Qazaxıstanın Karağandı vilayətində yerləşən Kostenko adına mədəndə baş verən partlayış nəticəsində ölənlərin sayı 21 nəfərə yüksəlib. Daha 23 şaxtaçını isə hələlik dağıntılar altından çıxarmaq mümkün olmayıb. Hadisə zamanı şaxtada olan 252 nəfərdən 208-si xilas edilib, onlardan 18-i xəstəxanalara yerləşdirilib. Axtarış-xilasetmə işləri davam edir. Hakimiyyət orqanları hadisə ilə bağlı istintaqa başlayıblar. Qazaxıstanda birgünlük matəm elan olunub.