Gəncədə basketbol üzrə şəhər birinciliyinin qalibləri müəyyənləşib. Yerli Olimpiya İdman Kompleksində 2 yaş qrupunda oğlanlar arasında təşkil edilən yarışın təltifetmə mərasimində fəxri yerlərdə qərarlaşan komandalar mükafatlandırılıb. 2011-2012-ci il təvəllüdlü basketbolçuların mübarizəsində “Gəncəli” komandası 1-ci, “Məhəllə” 2-ci, “Cəsurlar” 3-cü yerə layiq görülüb. 2009-2010-cu il təvəllüdlülərin yarışda isə “Gəncə” basketbol klubunun komandası qızıl, “Nizami” kollektivi gümüş, “Məhəllə” bürünc medala yiyələnib. İdmançılar diplom, medal və kubokla təltif ediliblər.

Orxan Cəfərzadə