Bu gün Bakıdan Xankəndiyə növbəti humanitar yardım göndərilib. 4 yük maşınından ibarət humanitar yardım Ağdam-Əsgəran-Xankəndi yolu ilə yola salınıb. Yardıma 40 ton un, gigiyenik vasitələr və 500 nəfər üçün yataq dəsti daxildir. Humanitar yardım Xankəndiyə çatdırılacaq. Həmçinin, növbəti təcili tibbi yardım maşını Xankəndi yaxınlığında yanacaqdoldurma məntəqəsində baş vermiş partlayış nəticəsində yaralanan şəxslərə tibbi ləvazimatlar aparır.  Bura 200 nəfərin müalicəsi üçün yanığa qarşı tibbi ləvazimatlar, sarğı materialları, əlcəklər, dərman preparatları daxildir.