Amerika Birləşmiş Ştatlarının Nyuport şəhərində 90 ölkənin Hərbi Dəniz Qüvvələrinin komandanları ilə yanaşı, müxtəlif mühüm dəniz təşkilatlarının nümayəndələrinin də iştirakı ilə keçirilən 25-ci Beynəlxalq Dəniz Gücü Simpoziumu davam edir. Simpozium çərçivəsində Azərbaycan Hərbi Dəniz Qüvvələri komandanı vitse-admiral Sübhan Bəkirov Türkiyə Hərbi Dəniz Qüvvələri komandanı donanma admiralı Ercüment Tatlıoğlu və Amerika Birləşmiş Ştatlarının Hərbi Dəniz Qüvvələrinin komandanı admiralı Liza Franketti ilə görüşüb. Görüşlərdə Azərbaycan-Türkiyə və Azərbaycan-ABŞ arasında hərbi, hərbi təhsil və digər sahələrdə əməkdaşlığın inkişaf perspektivlərinə, eləcə də qarşılıqlı maraq doğuran bir sıra məsələlərə dair ətraflı fikir mübadiləsi aparılıb.