Azərbaycan millisinin basketbolçusu Amil Həmzəyev "Gəncə" klubundan ayrılıb. Həmzəyev karyerasını paytaxtda davam etdirmək qərarına gəldiyindən komanda ilə müqaviləsini yeniləməyib. Yeri gəlmişkən, “Gəncə” bütün oyunçuları ilə vidalaşıb. 2022/2023 mövsümündə qərb təmsilçisinin formasını geyinmiş doqquz basketbolçu, həmçinin litvalı baş məşqçi ilə yollar ayrılıb. “Gəncə” klubu ötən mövsüm Azərbaycan Basketbol Liqasının gümüş medallarını və ölkə kubokunu qazanıb.