Ağstafada yol nəqliyyat hadisəsi baş verib. Hadisə rayonun Vurğun qəsəbəsində qeydə alınıb. Hərəkətdə olan “Opel” markalı avtomobil idarəetmədən çıxaraq, yol kənarındakı ağaca çırpılıb. Hadisə zamanı 3 nəfər - Ağstafa rayon sakini, 48 yaşlı Gülnarə Hüseynova, 40 yaşlı Nuranə Qasımova, 20 yaşlı Sənan Qasımlı xəsarət alıb. Onlar Ağstafa Rayon Mərkəzi xəstəxanasına yerləşdiriliblər. Həkimlərin müdaxiləsindən sonra vəziyyətləri orta-ağır kimi qiymətləndirilir. Faktla bağlı araşdırma aparılır.