Təhsil Nazirliyi tərəfindən Samux rayon Sərkar kənd tam orta məktəbində mina və partlamamış hərbi sursatlarla bağlı maarifləndirici görüş keçirilib. Tədbirdə müharibədən sonra düşmənin işğaldan azad olunan ərazilərdə basdırdığı minaların partlaması nəticəsində xeyli sayda insanın həyatını itirdiyi və yaralandığı bildirilib. Buna görə də Qarabağa səfər edərkən maksimum ehtiyatlı olmağın vacibliyi diqqətə çatdırılıb. Eyni zamanda əyani şəkildə piyada və tank əleyhinə minalar nümayiş etdirilərək iştirakçılara onlar haqda ətraflı məlumat verilib. Sonda minalanmış ərazilərlə bağlı videoçarx izlənilib.