"Münaqişədən öncə Qarabağın Azərbaycan icması erməni icmasının bəyanatlarına cavab verirdi. İndi isə "icma" anlayışı yoxdur". Xarici İşlər Nazirliyinin Mətbuat xidməti idarəsinin rəisi Leyla Abdullayeva “Müharibədən sonrakı reallıqlar və media” adlı təlimdə deyib ki, bizim üçün "Azərbaycanın erməni vətəndaşları" anlayışı var. "İndi biz Ermənistan XİN-in açıqlamalarının böyük hissəsinə cavab veririk. Bəzilərinə isə tələsik reaksiya verməməyə çalışırıq. Çünki biz artıq qalib dövlətik", - o bildirib.