Dünən səhər saatlarında Hava limanı-Mərdəkan yolunun Suraxanı dairəsi adlanan hissəsində baş verən ağır qəzanın görüntüləri yayılıb. Mərdəkan istiqamətində hərəkətdə olan “Mercedes” markalı yük avtomobili 171 nömrəli müntəzəm marşrut xətti üzrə sərnişin avtobusuna çırpılıb.Hadisə nəticəsində 5 nəfər həlak olub, 21 nəfər yaralanıb. Xəsarət alanlardan 8 nəfər Kliniki Tibbi Mərkəzə, 13 nəfər isə 3 saylı Şəhər Klinik Xəstəxanasına yerləşdirilib.