Azərbaycan Milli Məclisinin sədri Sahibə Qafarova, Türkiyə Böyük Millət Məclisinin sədri Mustafa Şentop və Pakistan Milli Assambleyasının sədri Əsəd Qeysərin Şuşa şəhərinə səfər edib.

Parlament sədrləri şəhəri gəzib, Cıdır düzündə olub, ermənilərin işğal dövründə Şuşada törətdikləri dağıntı, vandalizm aktları və hazırda aparılan bərpa-yenidənqurma işləri ilə tanış olublar. Nümayəndə heyətləri Şuşadan qayıdarkən Füzuli rayonuna da baş çəkiblər. Onlara Füzuli Beynəlxalq Hava Limanı, həmçinin “Füzuli” yarımstansiyası ilə bağlı məlumat verilib.