Türkiyə Prezidenti Rəcəb Tayyib Ərdoğan Ermənistana minalanmış ərazilərin xəritələrini Azərbaycana təhvil verməklə bağlı çağırış edib.Ermənistanın etimad artıracaq addımlar atmağa başlamasının zəruriliyini vurğulayıb.“Ermənistanın minalanmış ərazilərin xəritələrini Azərbaycana təhvil verməsi bu istiqamətdə əhəmiyyətli bir addım olacaq” deyən Ərdoğan Rusiyanın Zəngəzur dəhlizinin inşasını gecikdirmək niyyətində olduğunu ehtimal etmədiyini də vurğulayıb. Qeyd edib ki, tam əksinə olaraq Rusiya bu layihəyə dəstək vermək niyyətindədir. Yaxın vaxtlarda Rusiya Prezidenti Vladimir Putinlə ikitərəfli görüş də olacaq.