Müdafiə Nazirliyi Ağdam rayonunun Eyvazxanbəyli kəndindən videogörüntülər paylaşıb. Eyvazxanbəyli kəndin əsasını qoymuş nəslin adıdır. Bu elin digər hissələri Qəhrəmanbəyli, Süleymanbəyli, Məmmədxanbəyli, Muradxanbəyli və Tağıbəyli adlanıb.
Çiraquz — Azərbaycanın Xocavənd rayonunun Çiraquz kənd inzibati ərazi dairəsində kənd. Ermənilər tərəfindən 2 oktyabr 1992-ci ildə işğal edilsə də, 15 oktyabr 2020-ci ildə Azərbaycan Silahlı Qüvvələri tərəfindən azad olunub. Çiraquz kəndi Qarabağ silsiləsindədir. Oykonim Çiraqlı, Ciraqlar toponimlərinin variantı olub, "ciraq tayfası yaşayan kənd, çiraqlılara məxsus kənd" deməkdir.