Qarabağ regionunda ermənilərin istifadə etdiyi və etmədiyi bütün yataqlar yenidən diaqnostikadan keçiriləcək. Ekologiya və Təbii Sərvətlər Nazirliyinin Geoloji Kəşfiyyat Xidmətinin rəisi Əli Əliyevin sözlərinə görə, ən böyük filiz yataqları Tərtər, Kəlbəcər, Zəngilan rayonlarındadır. Laçın da faydalı qazıntı yataqlarının çox olduğu ərazidir. Nazirlik rəsmisi bildirib ki, qısa zamanda Cəbrayıldakı faydalı qazıntı yataqlarının istismarı planlaşdırılır.