Fevral ayının 1-dən etibarən şənbə və bazar günləri də ictimai iaşə müəssisələri yerində xidmət göstərə biləcək. Bunu Nazirlər Kabinetinin Mətbuat xidmətinin rəhbəri İbrahim Məmmədov deyib. Bildirib ki, həftəsonları ictimai nəqliyyatın fəaliyyəti ilə bağlı isə hələlik dəqiq məlumat yoxdur, bu barədə əlavə məlumat veriləcək.Nazirlər Kabinetinin qərarına əsasən, fevralın 1-dən ictimai iaşə obyektləri, restoran, kafe, çay evlərində səhər saat 6-dan gecə 12-dək müştərilərə yerində xidmətlər bərpa olunur.