Azərbaycan bir daha xəbərdarlıq edir. Ermənistan ərazisindən bölmələrimizin mövqelərinə və yaşayış məntəqələrimizə atəş açan düşmən mövqeləri və döyüş vasitələri adekvat tədbirlər çərçivəsində legitim hərbi hədəflərə çevrilir. Ənənəvi brifinqdə Müdafiə Nazirliyinin mətbuat katibi Anar Eyvazov bildirib ki,Azərbaycan Ordusu müasir texnoloji silahlarla düşmənin komanda-idarəetmə məntəqələri, raket və artilleriya vasitələri, döyüş texnikası və təminatı sıradan çıxarılaq onu faktiki olaraq iflic vəziyyətinə gətirir. Nazirlik rəsmisi müasir texnoloji silahların ordumuzun güc alətlərindən yalnız biri olduğuna diqqət çəkib.