Külli miq­darda narkotik vasitənin qa­çaq­­malçılıq yolu ilə ölkə ərazisinə keçirilmə­sinin qarşısı alınıb.Dövlət Sərhəd Xidmətinin Beyləqan ra­yonunun 2-ci Şahsevən kəndi ya­xınlığındakı sərhəd zas­tavasının xidməti ərazi­sində 2 naməlum şəxs İrandan Azərbay­can isti­qa­mətində dövlət sər­hədini pozub. Sər­həd po­zucularının əllərində silah və yüklər olub. Sərhəd zastavası qaldırılıb, xidməti ərazi qapadılıb. Sərhəd naryadı tərəfindən “Dayan” əmri verilərək havaya xə­bər­­darlıq atəşi açılıb. Lakin sərhəd pozucuları əmrə tabe olmayıb, sər­həd naryadına qarşı silah tətbiq edib geri qaçmağa cəhd göstəriblər.Sərhəd naryadı silah tətbiq edib, sərhəd pozucularından biri aldığı güllə yarasından hadisə ye­rində ölüb. Digəri ərazinin mürəkkəb relyefli olma­sından istifadə edərək geri qaçıb. Ərazidən 1 ədəd tüfəng, 2 ədəd çantada təxmini çəkisi 15 kq olan narkotikə bənzər maddə aşkar edilib.Sərhəd pozu­cuları ilə görüşərək onlardan yükü təhvil almağa gələn və məftilləri qıraraq sərhəd­boyu zolağa daxil olan Beyləqan rayon sakini 45 yaşlı Adiş Məmmədov saxlanılıb. Üzərində sərhəd pozu­cu­larına vermək üçün gətirdiyi 10 ədəd şüşə qabda alkoqol içkiləri aşkar olunub. Hadisə barədə İran sərhəd nümayəndəliyi məlumatlandırılıb.