• KƏPƏZ TV
    canlı yayım
Bu günə xəbərlərin oxunma sayı: 2658
— 31.08.2020 19:07

Terror-təxribat təlimi alan şəxs tutulub

KepezTV Player

Xarici xüsusi xidmət orqanlarının nəzarəti altında Azərbaycan vətəndaşlarının seçilərək onlara ölkə hüdudlarından kənarda radikal-ekstremist dini ideyaların aşılanması yolu ilə hərbi təlimlərin keçirilməsi, şəxsiyyətləri gizlədilərək müxtəlif adlarla digər dövlətlərin ərazisindəki hərbi əməliyyatlara cəlb olunmaları barədə toplanılan materiallar əsasında başlanılan cinayət işi üzrə Dövlət Təhlükəsizliyi Xidməti tərəfindən istintaq-əməliyyat tədbirləri aparılır. Araşdırmalar nəticəsində, Azərbaycan vətəndaşı Faliq Vəliyevin ictimai təhlükəsizliyi pozmaq, əhali arasında vahimə yaratmaq, dövlət orqanları tərəfindən qərar qəbul edilməsinə təsir göstərmək məqsədilə terrorçuluq cinayət əməllərinin törədilməsi üsulları, odlu silahlardan, partlayıcı maddələrdən və qurğulardan, eləcə də digər ümumi təhlükəli üsullardan və texniki vasitələrdən istifadə ilə əlaqədar hazırlıq keçməsinə, xarici xüsusi xidmət orqanları tərəfindən kəşfiyyat-təxribat xarakterli təlimlərə cəlb edilməsinə, fərdi ləqəb altında xaricdə ağır və xüsusilə ağır cinayətlər törətmək məqsədilə yaradılan qanunsuz silahlı birləşmənin fəaliyyətində iştirak etməsinə əsaslı şübhələr müəyyən edilib. Faliq Vəliyev Azərbaycan Cinayət Məcəlləsinin müvafiq maddələri ilə təqsirləndirilən şəxs qismində cəlb olunub, barəsində məhkəmənin qərarı ilə həbs qətimkan tədbiri seçilərək beynəlxalq axtarış elan edilib. Onun Rusiya ərazisinə keçdikdən sonra gizləndiyi yer müəyyən edilib və saxlanılaraq Azərbaycana ekstradisiya olunub. Araşdırma davam edir.