Bir neçə gündür qərb bölgəsində müşahidə olunan yağışlı hava şəraiti elektrik təsərrüfatında ciddi fəsadlar yaradıb. Ötən gün axşam saatlarında etibarən yağan gücülü yağış və şimşək nəticəsində Şəmkir rayonunun “Osman bozu” adlanan ərazisində mövcud olan 110 kilovatlıq yarımstansiyanın işinə təsir edib. Nəticədə Şəmkir rayonunun Kür qəsəbəsi, Yeniabad və Mahmudlu kəndləri, eləcə də həmin yaşayış məntəqələrinə yaxın ərazilərdə elektik erejisinin verilişi dayandırılıb. Yalnız bu gün saat 13-dən etibarən sözügedən ərazilərdə elektrik enerjisinin verilişi bərpa olunub. Şəmkir Elektrik Şəbəkəsindən verilən məlumata görə, fəsadlar tam aradan qaldırılıb və rayon üzrə enerji verilişində problem yoxdur.

Natiq Hüseyn