Gəncə Şəhər Gənclər və İdman Baş İdarəsi və Gənclər Evinin birgə təşkilatçılığı ilə ulu öndər Heydər Əliyevin anadan olmasının 97-ci ildönümünə həsr olunan videoçarx hazırlanıb. Layihə müxtəlif gənclər təşkilatından olan nümayəndələr, könüllülər, həmçinin rəhbər şəxslərin onlayn rejimdə iştirakı ilə reallaşıb. "Qəlbimizdə yaşayan ulu öndər" adlı videoçarxda dahi şəxsiyyətin Azərbaycana rəhbərlik etdiyi dövrdə uğurlu fəaliyyəti, gənclərə göstərdiyi xüsusi diqqət və qayğıdan bəhs olunub. Dillər əzbəri olan dəyərli fikir və sitatları səsləndirilib. Unudulmaz rəhbər tarixin sınağından şərəflə çıxan unikal idarəçilik məktəbinin banisi adlandırılıb.