Bələdiyyə seçkilərində bütün məntəqələrdə səsvermə normal həyata keçdi. Mərkəzi Seçki Komissiyasının sədri Məzahir Pənahovun sözlərinə görə, seçkilərdə seçici fəallığı 32,72 faiz olub. Səs vermiş seçicilərin sayı 1 milyon 627 min 64 nəfər təşkil edib. Seçici fəallığının ən yüksək olduğu 1 saylı Şərur-Sədərək Seçki Dairəsidir. 38 min 621 seçicidən 16 min 800-ü - 43.50 faizi səs verib. Eyni zamanda, seçici fəallığının ən aşağı olduğu dairə 40 saylı Kəpəz (Gəncə) İkinci Seçki Dairəsidir. Burada 42 min 85 seçicidən 10 min 156-si - 24.13 faizi səs verib.