• KƏPƏZ TV
    canlı yayım
Bu günə xəbərlərin oxunma sayı: 987
— 21.10.2019 19:39

Ağ yoxsa qara çörək?

KepezTV Player

Sağlamlıqdan danışmışkən, bu gün şəhərin əksər dükanlarında qida rasionumuzun əsasını təşkil edən çörəyin fərqli çeşidlərinə rast gəlirik. Bəzi həkimlər sağlam qida üçün el arasında adlandırdığımız ağ çörəyi qara çörəklə əvəz etməyi, qara çörək almağı məsləhət görürlər. Bunu isə sözügedən çörəyin ağ ilə müqayisədə tərkib cəhətdən daha zəngin olması ilə izah edirlər. Bəs maraqlıdır, bu yanaşma nə dərəcədə doğrudur? Ağ yoxsa qara çörək daha faydalıdır?

Gündəlik enerji ehtiyacımızı təmin etmək üçün protein, vitamin, minerallar qədər tərkibində karbohidrat olan qidaların qəbulu da önəmlidir. Elə bu səbədən dolayı, əsas karbohidrat mənbəyimiz hesab olunan buğdadan hazırlanan çörək hazırda əksəriyyət üçün əvəzsiz qidadır. Eyni zamanda, tez-tez müzakirə olunan, ziddiyətli müqayisə mövzusu...

Tam taxıllı başqa sözlə desək, qara çörəklər gec həzm olunduğu üçün, orqanizmdə uzunmüddətli doyma hissi yaradır, miqdar baxımından az çörək qəbul etməyimizi təmin edir, nəticə etibarı ilə çəki artımına səbəb olmur. Bu amil isə ona olan təlabatı birə-beş artırır.

Diabeti, kardiovaskulyar xəstəliyi, artıq çəki problemi olan xəstələrə bir mənalı şəkildə, qara çörəkdən istifadə tövsiyə olunur. Çünki qara çörəyin qəbulu zamanı köp, diskomfort hissi yaranmır, mədə-bağırsaq sisteminin fəaliyyəti yaxşılaşır. O ki, qaldı çeşidindən asılı olmayaraq, çörəyi ümumiyyətlə, rasiondan çıxarmaq məsələsinə...

Əksəriyyət çörəyin müəyyən xarici ölkələrin mətbəxində yer almamasını örnək gətirərək, onun qida rasionundan birdəfəlik çıxarılmasını təhlükəli hesab etmir.

Çörəyin istifadəsinin birdən-birə dayandırılması orqanizmdə bir sıra ciddi fəsadlara səbəb ola bilər. Onun qəbulunu tərkibində vitamin, mineral və qlüten olan digər qida məhsullarla əvəz etdiyimiz halda, rasiondan çıxarmaq təhlükəsizdir.