Ucarın Müsüslü kəndində Şəki sakini, 53 yaşlı Bayramov Əhməd Qurbanəli oğlunun idarə etdiyi yük avtomobili yanıb. Alovlanma "QAZel" markalı maşının mühərrikində başlayıb. Hadisə yerinə Fövqəladə Hallar Nazirliyinin Kürdəmir rayon Dövlət Yanğından Mühafizə Hissəsinin texnikası və canlı qüvvəsi cəlb olunub. Yanğın söndürülüb.

Goranboy rayonunun Ağamalıoğlu kəndində isə “Mercedes” markalı minik avtomobilinin yanar hissələri yararsız hala düşüb. Yaxınlıqdakı tikililər FHN əməkdaşları tərəfindən alovdan mühafizə edilib.