Apollo Automobil şirkəti Intensa Emozione hiperkarının seriyalı versiyasını təkmilləşdirib. Iki qapılı 780 at güclü V12 atmosfer motorla şütüyür. Mercedes-AMG-in yarış maşınlarının istehsalı ilə məşğul olan bu firma ilk çatdırılmaları yaydan start verəcək. Apollo Intensa Emozione yeni monokokdan kuzov qazanıb. Onun yanacaq çəninin strukturu fərqlidir, salonda isə yanğınsöndürmə sistemi quraşdırılıb. Modullu dizayna malik hiperkar 6 pilləli Hewland sürət qutusu ilə işləyir. Apollo IE yüzü 2,7 saniyəyə yığır. Maksimal sürət 335 km/saata çatır.