• KƏPƏZ TV
    canlı yayım
Bu günə xəbərlərin oxunma sayı: 829
— 01.05.2019 19:26

Qazilər “Kəpəz”in üzvləri ilə görüşüb

KepezTV Player

Nizami yurdunda yeni yaradılan Qarabağ müharibəsi qazilərindən ibarət “Gəncə” komandası şəhər stadionunda olub. “Kəpəz” klubunun dəvəti ilə arenaya təşrif buyuran veteranlar məşq zamanı əsas komandanın üzvləri ilə görüşüblər.

“Sarı-göylər”in baş məşqçisi Etibar İbrahimov torpaqlarımızın bütövlüyü uğrunda canından keçən vətən övladlarının qarşısında baş əydiklərini, onların hər zaman xüsusi  sevgi və dərin hörmətə layiq olduqlarını deyib. Daha sonra gənc mütəxəssis məşqçilər korpusu və futbolçuların imzaladığı topu, eyni zamanda komandanın şərfini qazilərin kapitanına hədiyyə edib.

Dəvətə və isti qarşılanmaya görə “Kəpəz”ə təşəkkür edən veteranlar qarşıdakı oyunlarda komandaya uğurlar arzulayıblar. “Sarı-göylər”ə mümkün qədər stadiondan dəstək verməyə çalışacaqlarını bildiriblər.

Görüşün sonunda qazilər “Kəpəz”in futbolçuları ilə birlikdə məşq edib, xatirə üçün kollektiv şəkil çəkdiriblər.  

 

Azad Rəfi