Milli Uşaq Strategiyası uşaqlarla əlaqəli 35 dayanıqlı inkişaf məqsədlərinin hədəflərinin yalnız yarısını əks etdirir. Strategiyada bəzi boşluqların olduğunu nəzərə alaraq milli fəaliyyət planının yenidən hazırlanması qərara alınıb. Bunu Dayanıqlı İnkişaf üzrə Milli Əlaqələndirmə Şurasının Katibliyinin rəhbəri Hüseyn Hüseynov deyib. Onun sözlərinə görə, əsas məqsədlərdən biri ölkədə uşaqların rifahını yaxşılaşdırmaq və hərtərəfli dəstək tədbirlərini müəyyən etməkdir.