Qusar rayonunda ölümlə nəticələnən yanğın hadisəsi baş verib. Ümumi sahəsi 27 m² olan dəmir konstruksiyalardan ibarət köşkün şüşə-pambıq üzlüyü yanıb. Hadisə yerinin kəşfiyyatı zamanı köşkün içərisində 42 yaşlı Namiq Seyidovun meyiti yanğınsöndürənlər tərəfindən aşkar olunub. Yaxınlıqdakı tikililər alovdan mühafizə olunub. Yanğın söndürülüb. Hadisə ilə əlaqədar müvafiq qurumlar tərəfindən təhqiqat aparılır.