Goranboy rayonunun Borsunlu kənd ərazisində yol-nəqliyyat hadisəsi zamanı ölən kişinin şəxsiyyəti müəyyənləşib. Onun 54 yaşlı Tarif Mahmudov olduğu müəyyənləşib. Meyit yaxınlarına təhvil verilib. Xatırladaq ki, martın 5-də 45 yaşlı Gürcüstan vətəndaşı Masim Gradjov idarə etdiyi “Volvo S80” markalı avtomobillə Mahmudovu vuraraq öldürüb və sonra hadisə yerindən qaçıb. Aparılan araşdırmalar nəticəsində hadisəni törədən şəxs saxlanılıb.