Ötən gün Quba rayonunda baş verən ağır yol-nəqliyyat hadisəsi zamanı ölənlərin sayı 4-ə çatıb. Qəzada xəsarət alan, 40 yaşlı Ramin Seyidəhmədov yerləşdirildiyi Quba Rayon Mərkəzi Xəstəxanasında ölüb. Xatırladaq ki, Form markalı yük maşını ilə VAZ 21010 markalı avtomobilin toqquşması nəticəsində Xaçmaz sakinləri Coşqun Qasımov, Zakir Abasov, Nahid Məmmədov da dünyasını dəyişib. Faktla bağlı cinayət işi açılıb, araşdırmalar davam etdirilir.