Gəncə Bakı avtomobil yolunun 1-ci kilometirliyində zəncirvari yol nəqliyyat hadisəsi baş verib. Mercedes, Nissan və QAZ-53 markalı avtomobillərin iştirakı ilə baş verən qəzada xəsarət alanlara kömək etmək məqsədilə yolda avtomobillərini saxlayaraq yardıma gələn Gəncə şəhər sakinləri Hüseyn Şiranini və Nərmin Verdiyevanı, eləcədə Göygöl rayon sakini İlqar Əliyevi  Bakı-Gəncə marşrut xətti üzrə sərnişin daşıyan avtobus vurub. Hadisədə xəsarət alan 7 şəxsə yerindəcə tibbi yardım göstərilib. Avtobusun vurması nəticəsində ağır bədən xəsarəltəri alan 3 xəstə isə Gəncə şəhər Təcili Tibbi Yardım Xəstəxanasının travmatologiya şöbəsinə yerləşdirilib. Növbətçi həkimi Mehman Hüseynovun veridiyi məlumata görə, şöbəyə daxil olan xəstələrin 2 nin vəziyyəti tibbi müdaxilədən sonar normallaşıb, İlqar Əliyevin müayinə və müalicəsi isə davam etdiriləcəkdir. Faktla bağlı araşdırmalaral başlanılıb, qəzanın dəqiqi səbələri araşdırlır.

Xaliq Qurbanlı