Xaçmaz rayon ərazisində köşkdən pul oğurlayan şəxs saxlanılıb. Rayonun Qımıl-qışlaq kənd sakini Zaur Mustafayev Polis Şöbəsinə müraciət edərək avtovağzal ərazisində icarə əsasında işlətdiyi köşkdən 2 500 manat və 1700 rubl pulunun oğurlandığını bildirib.

Xaçmaz RPŞ əməkdaşlarının keçirdikləri əməliyyat-axtarış tədbirləri ilə oğurluğu törətməkdə şübhəli bilinən Sumqayıt şəhər sakini Şirin Həsənli yaxalanıb.Dindirilmə zamanı saxlanılan şəxs törətdiyi əməli etiraf edib. Oğurladığı pullardan 1400 manat və 1700 rubl maddi sübut kimi ondan götürülərək sahibinə qaytarılıb.Faktla bağlı Xaçmaz RPŞ-nin İstintaq bölməsində araşdırma aparılır.