Azərbaycan sərhədçiləri sər­həd təhlükəsizliyinin təmin edilməsi sahəsində daha bir uğurlu əməliyyat-axtarış və mühafizə tədbiri keçiriblər. DSX-nin məlumatına görə, Zaqa­tala sərhəd dəstəsinin hərbi qulluqçuları tərəfindən Ba­la­kən rayo­nu­nun Mazımqara kəndinin yaxınlığın­dakı sərhəd zasta­va­sı­nın xid­mə­ti ərazisində dövlət sərhə­dinin po­zulmasının qarşısı alınıb. Belə ki, iyunun 4-də sərhəd naryadı tərəfindən dövlət sərhədində 2 nəfər Azər­baycan vətəndaşı – 35 yaşlı Hacılı Ramin Rasim oğlu və 30 yaşlı Qa­sı­mov Fəx­rəddin Azad oğlu saxlanılıb. İlkin araşdırma zamanı Ramın Hacılı ölkədən çıxışına qadağa qoyul­duğundan dövlət sərhədini pozmaqla qanunsuz yolla Gürcüstan ərazi­sinə keçməyə cəhd etdiyini, Fəxrəddin Qasımovun isə bu əməlin həyata keçiril­mə­­­sində ona kömək göstərdiyini etiraf edib. Ramin Hacılı 250 min manat borcunun olduğunu, xaricə gedib bu borcları işləyərək qay­tar­mağa çalışdığını bildirib. Saxlanılan şəxslər barəsində Cina­yət Məcəlləsinin müvafiq maddələri üzrə cinayət işi başlanıl­ıb.