Bürünc medal və Avropa Liqasına vəsiqə baxımından önəmli oyunlardan biri Gəncədə reallaşıb. Medallara iddialı “Neftçi” səfərdə autsayder “Kəpəz”lə görüşüb. Oyunda hesabı ikinci hissədə Ruslan Abışovla qonaqlar açıb. Çox keçmədən sarı-göylər bərabərlik qolunu vurublar. Şəhriyar Rəhimovun zərbəsi oyunda status-kvo yaradıb. Amma görüşün sonlarına doğru hesab yenidən bakılıların xeyrinə dəyişib. Müdafiəçi ilə qapıçı arasında yaranan anlaşılmazlıq Lukas Qomezin fərqlənməsi ilə nəticələnib. Beləliklə səfər oyununda "Neftçi"&nbsp;2:1 hesablı qələbə qazanaraq çempionatda bürünc medal və 3-cü yerlə avrokuboklara vəsiqə əldə edib.<br>