Bir ay ərzində Şəmkir və Gədəbəylə yanaşı qərb bölgəsinin digər şəhər və rayonlarının sakinləri də göstərilən xidmətdən yararlana biləcək. Vətəndaşlara notariat fəaliyyəti, vətəndaşlıq vəziyyəti aktlarının dövlət qeydiyyatı, daşınmaz əmlak, pensiya təyinatı, şəxsiyyət vəsiqələrinin və ümumvətəndaş pasportlarının verilməsi və dəyişdirilməsi kimi xidmətlər təklif edilir. ASAN Xidmətin səyyar avtobusu buna qədər 5 dəfə Şəmkir rayonunda olub. Bu müddət ərzində göstərilən xidmətdən 40 minə yaxın yerli sakin yararlanıb.