Bakıda qətl törədilib. Hadisə İkinci Zabrat qəsəbəsi Həzi Aslanov küçəsində baş verib. Tələbə, 21 yaşlı Xəyal Məmmədov mübahisə zəminində naməlum şəxs tərəfindən bıçaqlanıb. Nəticədə ağır vəziyyətdə 3 saylı Şəhər Klinik Xəstəxanaya yerləşdirilən gənc orada keçinib. Hadisə barədə polisə məlumat verilib. Araşdırmalarla tələbəni bıçaqlayanın Zabrat sakini, 23 yaşlı Zaur Qasımov olduğu müəyyən edilib. O, yaxalanaraq istintaqa təhvil verilib. Qətlin dəqiq səbəbləri hələlik tam aydınlaşmayıb. Faktla bağlı Sabunçu Rayon Prokurorluğunda araşdırma aparılır.

Zülfiyyə Telmanqızı