İlk olaraq mübarizəyə 17 yaşadək futbolçulardan ibarət komandalar qoşulub. Gəncənin “Kəpəz” klubunun müvafiq yaş qrupu üzrə komandası yarışda ilk ev oyununu qələbə ilə başa vurub. Birinci turda səfərdə İmişlinin “Mil-Muğan” komandasını məğlub edən gəncəlilər doğma meydanda Ağsunun eyniadlı təmsilçisinə 3:0 hesabı ilə qalib gəliblər. İki turdan sonra “Kəpəz” 6 xalla 12 kollektivin çıxış etdiyi birinciliyin lideridir. Nizami yurdunun təmsilçisi növbəti görüşünü sentyabrın 25-də səfərdə “Neftçi”yə qarşı keçirəcək.

Orxan Cəfərzadə