Şəkinin Salman Mümtaz küçəsində 300 kvadrat metrlik ərazidə yanğın baş verib. Alov yaxınlıqda yerləşən mağazalara təhlükə yaradıb. Hadisənin baş verdiyi yer özəl sahə olduğundan və dörd bir yanı hasarla əhatə edildiyindən Fövqəladə Hallar Nazirliyinin yanğınsöndürmə xidməti əməkdaşlarının məkana yaxınlaşmasında problem yaranıb. Lakin yanğınsöndürənlər alovu ram etməyə müvəffəq olublar. 20 dəqiqə ərzində yanğın tam söndürülüb. Hadisənin səbəbi hələlik məlum deyil.

Vüsalə Camal