Şəkinin Aydınbulaq kəndində 56 yaşlı Nazir Səmədova məxsus kamaz markalı yük maşını və qoşqusu tamamilə yanıb. Kamaza yığılan 4 və qoşquda olan 6 ton ot da külə çevrilib. Hadisə şahidlərinin sözlərinə görə, ot bağlaması ilə dolu olan yük maşını kəndin ərazisindən keçərkən elektrik naqillərindən birinə ilişib. Nəticədə naqil qırılıb və ot bağlamasının üzərinə düşüb. Yaranan ani qığılcım isə yanğına səbəb olub. Yanğının böyüdüyünü görən sürücü maşını saxlayaraq ərazidən uzaqlaşıb. Yanğın nəticəsində ot bağlamalarının bir qismi yerə aşıb. Hadisə yerinə gələn 2 yanğınsöndürən maşını alovu ram edə bilib. 

Vüsalə Camal