Microsoft şirkəti radikal şəkildə Skype messencerini dəyişib. O, indi yeni interfeys və digər populyar messencerlərlə əlaqə yarada bilən bir sıra funksiyalara sahib olub. Dəyişdirilə bilən dizayndan başqa, əlavə yenilik Highlights bölməsinin peyda olmasıdır. Highlights Instagramdakı “Tarixlər” bölməsinin analoqudur, onunla şəkilləri və videoları stiker və rəsmlərlə paylaşmaq şəraiti yaradılır. Ancaq bu tip paylaşımlar 24 saatdan artıq qüvvədə olmayacaq. Yeni “skayp”da Capture bölməsi də var ki, o da çəkilişlər, eləcə də görüntülərin redaktəsi üçün nəzərdə tutulub. Çat bölməsinə gəldikdə, burada nəinki mesaj və zəng mübadiləsi etmək olar, hətta internetdə lazım olan kontakt və ya informasiyanı axtarmaq mümkündür. Axtarışa reseptlər və konsertlərə bilet də daxildir. İndiki vəziyyətdə yeni Skype Androidla işləyən cihazlarda keçərlidir. Yaxın vaxtlarda isə iOS versiya da buraxılacaq. Onu Windows və macOS desktop versiyada isə bir neçə aydan sonra görə bilərik.

Cavanşir Məmmədzadə