Rusiya, Gürcüstan və ABŞ komandaları ilə eyni yarımqrupunda yer alan yığmamız açılış günü iki görüş keçirib. Millimiz əvvəlcə şimal qonşumuzla qarşılaşıb. Mübarizələr 4-4 hesablı bərabərliklə bitib. Ancaq güləşçilərimizin qazandıqları xalların sayına görə, 32-29 öndə olan yığmamız qalib gəlib. Yarımqrupun ikinci görüşündə rəqib Gürcüstan komandası olub. Bu qarşılaşmada da qonşu ölkəni 5:3 hesabı ilə üstələyən komandamız dünya kubokunda ikinci qələbəsini qazanıb. Millimiz qrup çərçivəsində növbəti, həm də sonuncu görüşünü ABŞ idmançılarına qarşı keçirəcək.

Azad Rəfi