• KƏPƏZ TV
    canlı yayım
Bu günə xəbərlərin oxunma sayı: 3563
— 22.01.2016 11:49

Tovuz sakinlərinin maraqlı qorunma üsulu

Bu kənddə sınıq, yararsız çaynikləri evin ətrafına, hasarların üzərinə qoyurlar. Yaşayış məntəqəsində əksər həyətlərdə belə əşyalara rast gəlinir. Söhbətin hansı kənddən getdiyini süjetdən biləcəyik.

Maraqlı adət Tovuzun Qaraxanlı kəndində illərdir mövcuddur. Kənd sakinləri bunu gözdən-nəzərdən qorunmaq üçün etdiklərini deyirlər. Sakinlər bildirirlər ki, divarların üzərlərinə qoyulan çayniklər sınıq, yararsız və ağır olmalıdır ki, külək və ya digər vasitələr onu yerindən tərpədə bilməsin. İnanca görə, əgər pis niyyətlə həmin evə baxan qırıq çayniki görərsə, bu zaman ev sahibi ziyandan uzaq olar.

Bu bəd nəzərdən qorunma üsulu Qaraxanlıya gəlib-gedənlərin də diqqətini çəkir, amma ona inananlar da olur, əksini düşünənlər də. Qaraxanlı kəndinin sakinləri isə bu maraqlı adəti illərdir yaşadırlar.

 

Rahim İbrahimoğlu