• KƏPƏZ TV
    canlı yayım
Bu günə xəbərlərin oxunma sayı: 1542
— 06.01.2016 14:40

Əl işlərilə gözəllik və incəliyi yaşadan qadın…

Qazax sakininin əl işləri maraq çəkir. Səbrlə diqqətini bir araya cəmləyən qadın təxəyyülünün gücü ilə incəlik və zəriflik tələb edən bir sənəti yaşadır. Söhbətin kimdən və hansı sənət növündən getdiyini qarşıdakı materialdan öyrənək...

Qazax sakini Həbibə Novruzi 3 ildir ki, dekorativ-tətbiqi sənətlə məşğuldur. Muncuqlarla 50-dən çox əl işi hazırlayan qadın bu sənəti internetin köməyi ilə öyrəndiyini bildirir. Onun evini muncuqlardan ibarət müxtəlif fiqurlar bəzəyir.

Göz nuru, zövq və hövsələ tələb edən əl işlərinin hazırlanmasına bəzən aylarla vaxt sərf olunur. Maraqlı, diqqət çəkən əl işlərində muncuqlar bir birini tamamlamalı, rənglər ahəng təşkil etməlidir. Bir fiqurun hazırlanması üçün təxminən 500-800 qram muncuq istifadə edilir.

Qazax sakinin əl işləri ilə maraqlananlar çox olub. Amma yüksək qiymət verilmədiyindən o, əsərlərini satmaq istəmir. Sənətini yalnız öz qızına öyrədən muncuq ustası gələcəkdə əl işlərinin sərgisini təşkil etməyi düşünür.

Rahim İbrahimoğlu