• KƏPƏZ TV
    canlı yayım
Bu günə xəbərlərin oxunma sayı: 976
— 17.12.2015 18:52

28 yaşlı Gədəbəy sakini bədbəxt hadisə nəticəsində həyatını itirdi

Xızıda ölüm hadisəsi baş verib. Xəstəxanaya yaralı vəziyyətdə aparılan rəng sexində işləyən fəhlə orada dünyasını dəyişib.

Sumqayıt şəhərində yaşayıb, Xızı rayonu Şürabad qəsəbəsində rəng sexində işləyən Gədəbəy rayon sakini, 28 yaşlı Tahir Cabbarov yaralı vəziyyətdə Sumqayıt şəhər xəstəxanasına aparılıb. Həkimlərin səyinə baxmayaraq, onun həyatını xilas etmək mümkün olmayıb. Tahir Cabbarovun işlədiyi sexdən onun yıxılaraq xəsarət aldığını bildiriblər. Lakin Tahirin yaxınları hadisənin belə olmadığını iddia edirlər.  

Tahir Cabbarovun hansı şəraitdə dünyasını dəyişməsini Xızı rayon prokurorluğu araşdırır.

Ruhəngiz Hacızadə