• KƏPƏZ TV
    canlı yayım
Bu günə xəbərlərin oxunma sayı: 3711
— 24.10.2015 16:01

Sonunda bu da oldu: oğru ev sahibinə məktub yazdı

Oğurluq üçün girdiyi evdən gözlədiyi qəniməti əldə edə bilməyən şəxs çox  əsəbləşib və ev sahiblərinə məktub yazıb.

Qazaxın Çaylı kənd sakini Səbuhi Ocaqverdiyev Tovuzun Ağdam kəndinə gələrək əvvəlcə kənd sakini Münasibət İsmayılovanın evinə girib. 28 yaşlı "qəhrəman" mənzildən qızıl sırğa, bir neçə mobil nömrə və yaddaş kartı götürüb. Növbəti hədəf isə əvvəllər bir yerdə çoban işlədikləri Niyazi Həmidovun evi olub. Ev sahiblərinin kənddə olmadığını bilib evə daxil olan Səbuhi Ocaqverdiyev otaqları alt-üst etsə də, qənimət tapa bilməyib. Bundan əsəbləşən "qəhrəman" başqa adla ev sahiblərini təhqir edən cümlələr yazaraq məktubunu masanın üzərinə qoyub.

Kəndə qayıdan Həmidovlar evi al-üst görəndə Tovuz polisini məlumatlandırıblar. Aparılan əməliyyat tədbirləri nəticəsində Səbuhi Ocaqverdiyev çox uzağa getmədən saxlanılıb.

Əməlini etiraf edən Səbuhi Ocaqverdiyev ikinci dəfə ailə qurduğu xanımın xəstə olduğu üçün bu hadisəni törətdiyini bildirib.

Hazırda Tovuz polisi faktla bağlı araşdırmalarını davam etdirir.

Rahim İbrahimoğlu