• KƏPƏZ TV
    canlı yayım
Bu günə xəbərlərin oxunma sayı: 2039
— 06.11.2014 11:12

Ermənistanın 2015-ci il iyunun 12-28-də Bakıda keçiriləcək Avropa Oyunlarında iştirakı rəsmiləşib

Bunu, Avropa Olimpiya Komitəsinin prezidenti Patrik Hikki açıqlayıb.

O, Banqkokda keçirilən tədbir zamanı qeyd edib ki, Ermənistanın yarışdakı iştirakını əngəlləyən problemlər həllini tapıb. İşğalçı ölkənin nümayəndə heyəti isə AOK-un yaxın 2 həftə ərzində Bakıda keçiriləcək Baş Assambleyasında iştirak edəcək.

Ermənistan Olimpiya Komitəsinin prezidenti Qaqik Tsarukyan bildirmişdi ki, təhlükəsizlik təmin olunacağı halda Bakıya yollanacaq. Beynəlxalq Olimpiya Komitəsinin prezidenti Tomas Bax da oktyabrın 9-da Ermənistana səfəri zamanı bu ölkənin yığmasının Avropa Oyunlarında iştirakı ilə bağlı təhlükəsizlik təminatını prezident Serj Sarkisyanla müzakirə etmişdi.

Qeyd edək ki, Azərbaycan gənclər və idman naziri Azad Rəhimov bütün ölkələrə, o cümlədən Ermənistana da hələ sentyabrın 4-də təhlükəsizliklərinin təmin olunacağını bildirmişdi.